Deputat: "Qərb Ermənistanı Rusiyanın təsir dairəsindən çıxarmaq istəyir"

"Ermənistanda baş verən son etiraz aksiyalarının şiddətinin başlıca səbəbindən biri Azərbaycanla bağlıdır"

Xəbər verdiyimiz kimi Ermənistanı üsyan dalğası bürüyüb. Qazın qiymətinin qalxmasından sonra indi də, ermənilər elektirik enerjisinin qiymətinin qalxmasına görə etiraz aksiyası keçirdir.

Ermənistandan baş verən son olayları, səbəblərini Millət vəkili Zahid Oruc Ölkə.az-da dəyərlənidirib.

Zahid Oruc: "Ermənistanda baş verən hadisələrin bir neçə səbəbi var. Burada geopolitik hadisələr və daxili siyasi-iqtisadi şərait çox önəmli yer tutur. Birmənalı söyləmək mümkündür ki, Ermənistan Avrasiya İqtisadi Birliyinə daxil olduqdan sonra ölkə içərisindəki siyasi böhran bir qədər də dərinləşdi. Sarkisiyanın hesablamaları özünü doğrultmadı. O, düşünürdü ki, ölkəsi məlum addımlar hesabına Qərbdən tamamilə üzlüşməyinə rəğmən Rusiya Ermənistanı tam özünün vassalı elan edərək bütün iqtisadi köməklik edəcək. Lakin məlum hadisələr, Ukrayna böhranı, Qərblə Rusiyanın savaşı imkan vermədi ki, Ermənistan arzu etdiyinə çatsın. Rəsmi İrəvanın planı ondan ibarət idi ki, Rusiya xalqın ağır problemlərini öz üzərinə götürsün. Cənubi Osetiya və Abxaziyada məhz oxşar addımlar atılmışdı. Rusiya 2 milyard dollara yaxın vəsait verdi ki, özünü dövlət elan edən subyektləri tanısın və onları öz himayəsinə götürsün. Ermənilər üçün bu baş vermədi.

Bundan sonra Ermənistanda qazın qiymətinin qalxmasının əleyhinə aksiyalar keçirlidi. Gümrüdə rus hərbçi Permiyakovun törətdiyi hadisə, 7 nəfərin qətlə yetirilməsi və buradakı hərbi baza ölkənin ictimai fikrini tutdu və hakimiyyətlə savaşı dərinləşdirdi. Ermənistanda baş verən son aksiyaların şiddətinin başlıca səbəblərindən biri Azərbaycanla bağlıdır. Nə qədər inkar olunsa da informasiya müharibəsində qeyri-real və əsassız məsələləri qabartsalar da, sadə erməninin gözü ilə baxanda Azərbaycanda bir cazibədarılıq var. Bizim ölkəmizin inkişafı, Qarabağ cəbhəsində dəyişən şərait avtomatik ermənilərə öz təsirini göstərir. Erməni anaları Qarabağdan qayıdan tabutların günahını Sarkisiyan rejimində görürlər.

Ermənilər Qarabağın Ermənistan dövləti tərəfindən dağıdıldığını görürlər. Qərb inistitutları güclü bir şəkildə Ermənistana nüfuz etməyə çalışaraq bu dövləti Rusiyanın təsir dairəsindən çıxarmaq istəyirlər. Sarkisiyan rejimi əleyhinə qərbpərəst dairələri təşkilatlandırırlar. Ermənistanın da güclü lobbi mərkəzləri Qərbdədir, Rusiyada deyil. Ona görə Moskvadan da bu hadisələri diqqətlə izləyirlər. Düzdür bu gün qərbpərəst qüvvələrin güclü lideri, təşkilati dayaqları yoxdur, onlar əksər hallarda zəif və pərakəndə şəkildədirlər.

Ermənistanda baş verən son hadisələr onu deməyə əsas verir ki, oradakı sosial böhran, siyasi nəticələr doğura bilər. Emənistanda hakimiyyət dəyişsə, heç şübhəsiz Azərbaycana təsir göstərəcək. Bir çoxları düşünür ki, bu mənfi təsir olacaq. Ermənilər, erməni xalqı bütün gücün Sarkisiyanı devirməyə sərf edir. Ermənilərin elə bir qüvvəsi meydana çıxa bilməz ki, Türkiyə və Azərbaycanla müharibə apararaq erməni xalqını yaxşı yaşatsın. Bu gün erməni cəmiyyəinin faciəsinin böyük səbəbi Azərbaycana qarşı müharibədir. Ermənilər özlərini Azərbaycanın neftindən, qazından və onların tranzit imkanlarından məhrum edib. Tankın üzərində inkişaf mümkün deyil".

Səxavət Məmməd
Ölkə.az