Politoloq: \"Sarkisyan hakimiyyəti indi süngü üstündədir\"

İyunun 19-da Ermənistanda başlayan oturaq aksiya artıq üsyana çevrilir

Yerli ermənilərlə, gəlmə ermənilər arasında olan gərginlik pik həddə çatıb. Sarkisiyan ona qarşı qalxan xalqa amansızlıqla divan tutur. 200-dən çox aksiya iştirakçısı həbs edilib, 18-dən çox aksiya iştirakçısı ağır xəsarət alıb.

Ermənistanda baş verən olayları politoloq Qabil Hüseyinli Ölkə.az-a verdiyi açıqlamaslnda şərh edib.

Qabil Hüseyinli: ""Erməni xalqı Qarabağdan gəlmə, Qarabağ klanının rejimini, Sarkisiyanı devirmk istəyir. Keçən il müxalif qüvvələr Sarkisiyanı hakimiyyətdən salmaq üçün çox çalışdı, ancaq Rusiya buna imkan vermədi. Bu il isə vəziyyət fərqlidir. Ölkədə elektirik enerjisinin, qəndin və ilkin təlabat mallarının qiyməti kəskin bahalaşdırıldı. Belə olan təqdirdə əhali kortəbii surətdə ayağa qalxdı və müxalifət də öz deputatlarını parlamentdən geriyə çağırdı. Bundan sonra vəziyyət daha da gərginləşdi. Gümrü şəhərinin meri də aksiyaçılara qoşulub və Sarkisiyana qarşı çıxıb. Sarkisiyan da Rusiya ilə əlaqə saxlayaraq üsyançılara çox böyük güc sərf edir. Dünən Yeravanda çox böyük toqquşma oldu, 18-dən çox adam ağır yaralanıb, bəziləri ölümcül vəziyyətdədir. 200-dən çox adam isə həbs edilib.

Belə görünür ki, Rusiya Sarkisiyanın arxasından çəkilmək istəmir. Rusiya hal-hazırda Sarkisiyana qarşı duran qüvvələrin güc potensialını ölçmək istəyir. Ancaq ermənilər sakitləşənə oxşamır. Onlar deyir ki, uzağı sentyabr ayına qədər biz Sarkisiyanı hakimiyyətdən uzaqlaşdıracağıq. Hazırda yerli ermənilərlə, qarabağlılar arasında ciddi qarşıdurma var. Bu qarşıdurma nəticəsində Sarkisiyan hakimiyyəti devrilə bilər. Hətta Qarabağdan olan Koçaryanın özü də Sarkisiyanın əleyhinədir. Sarkisiyanın əleyhinə çox böyük qüvvələr birləşib, hətta onun komandasında olanlar da üsyançılar yavaş-yavaş tərəfə keçir. Ermənistanda vəziyyət çox qarışıq və idarəedilməz haldadır. Sarkisyan hakimiyyəti indi süngü üstündədir. Napoleonun bir sözü var, deyirdi, "süngünün üzərində oturmaq olar, amma axıra qədər süngü ilə hakimiyyəti müdafiə etmək olmaz"".

Səxavət Məmməd
Ölkə.az