Bakıda 19 yaşlı gənc bıçaqlanıb
Bakıda gənc oğlanı bıçaqlamaqda təqsirli bilinən Rəşad Turabzadənin cinyət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim İradə Həsənzadənin sədrliyi ilə araşdırılacaq.
Qeyd edək ki, hadisə ötən ilin aprelində paytaxtın Binəqədi rayonunda qeydə alınıb.
Belə ki, R.Turabzadə mübahisə zəminində 2003-cü il təvəllüdlü Miraləm Kərimovu bıçaqlayıb.
Daha sonra yaralı xəstəxanaya çatdırılıb. Müayinə zamanı onun qarın boşluğunda və döş qəfəsində kəsilmiş-deşilmiş bıçaq yarası aşkarlanıb. M.Kərimovun həyatını xilas etmək mümkün olub.
