Göyçayda 54 yaşlı kişini öldürən yeniyetmənin məhkəməsi başlayıb
Göyçayda 54 yaşlı kişini qətlə yetirməkdə təqsirləndirilən İsmayıl Babazadənin cinayət işi üzrə məhkəmə iclası başlayıb.
"Ölkə.Az" xəbər verir ki, Şəki Ağır Cinayətlər Məhkəməsində hakim Nahid Mirzəyevin sədrliyi ilə hazırlıq iclası keçirilib.
Məhkəmə baxış iclası martın 16-na təyin olunub.
Qeyd edək ki, hadisə ötən il Göyçay şəhərində qeydə alınıb. Şəhər sakini, 2005-ci il təvəllüdlü Babazadə İsmayıl Müşviq oğlu şəxsi münasibətlər zəminində aralarında baş verən dava zamanı 1968-ci il təvəllüdlü Əliyev Əli Əlibala oğlunu bıçaqlayıb. Ə.Əliyev aldığı xəsarətlərdən ölüb. İ.Babazadə tutularaq istintaqa təhvil verilib.
