Sosial şəbəkələri lərzəyə gətirən şəkil saxta imiş
Şəkil əslində fotomontaj imiş.
Ölkə.Az Türkiyə mətbuatına istinadən xəbər verir ki, sosial şəbəkələrdə böyük əks-səda doğuran fotoşəkil saxta çıxıb.
Sosial şəbəkələrdə paylaşılan və bir neçə xəbər saytlarında müzakirə olunan şəkillə bağlı gerçəklər ortaya çıxıb. İŞİD terror təşkilatının ərazilərini bombaladığı deyilən ABŞ pilotunun əlində üzərində "Kürdüstan" yazısı olan şəkil əslində fotomontaj imiş.
Həmin şəkil 2013-cü ildə çəkilib və Əfqanıstan səmalarında uçan pilot Metyu Krivohlevi Texasdakı qardaşının toyuna gedə bilmədiyi üçün təyyarənin içindən çəkdiyi video ilə mesaj göndərmək isteyib. Pilot Krivohlevi kağızda bunları yazmışdı:
”Bu, həyatınızın sonuna qədər xatırlayacağınız bir gündür və mən kaş ki, orda olub bu günü sizinlə birlikdə keçirə biləydim”.
Səda Bədirova
Ölkə.Az
