Arda Turan "Atletiko Madrid"dən gedir
Türk futbolçu Arda Turan "Atletiko Madrid"dən ayrıla bilər.
Bu barədə futbolçunun meneceri Ahmet Bulud deyib. Onun sözlərinə görə, Arda İspaniyadan ayrılmaq istəyir.
"As" qəzetinə açıqlama verən menecer türk futbolçunun gələcək kariyerası barədə danışıb: "Arda bu yay İspaniyadan ayrılmaq istəyir. İngiltərə Premier Liqasında oynamaq və karyerasını orada davam etdirmək istəyir. İngiltərədən Ardanı istəyən üç klub var. Hazırda adlarını açıqlaya bilmərəm. Bu klublar İngiltərənin və Avropanın köklü klublarıdır".
A.Bulud Ardanın ən böyük xəyalının İngiltərədə olduğunu söyləyib. Ancaq menecer Ardanın müqaviləsində 41 milyon avroluq "sərbəst qalma maddəsi"nin olduğunu xatırladıb. Futbolçunun meneceri bu maddənin transferə maneə olacağını güman edir.
Ölkə.Az
