İmişlidə qayınlarını bıçaqlayan yeznə hakim qarşısındaxa0

"Ölkə.Az" xəbər verir ki, cinayət işinin materialları baxılması üçün Lənkəran Ağır Cinayətlər Məhkəməsinə göndərilib.

Cinayət işi hakim Əli Əliyevinin icraatına verilib.

İş üzrə məhkəmə hazırlıq iclası yaxın günlərdə keçiriləcək.

Qeyd edək ki, hadisə ötən ilin avqustunda İmişli rayonu Qaradonlu kəndində qeydə alınıb.

Belə ki, kəndin sakini, 1996-cı il təvəllüdlü Nəsirov Elsəvər Əli oğlu qayınları - Qaradonlu sakinləri - 2001-ci il təvəllüdlü Nəsirov Nurlan Allahyar oğlunu və onun qardaşı 1998-ci il təvəllüdlü Nəsirov Əmrah Allahyar oğlunu bıçaqlayıb.

Hər iki qardaş Şirvan Şəhər Mərkəzi Xəstəxanasının cərrahiyə şöbəsinə yerləşdirilib və onların həyatını xilas etmək mümükün olub.

Qayınlarını bıçaqlayan E.Nəsirov daha sonra bıçaqla özünə də xəsarət yetirib.