Qonşusunu qətlə yetirən gənc: "Evdən bıçaq götürüb getdim"

"Ölkə.Az" xəbər  verir ki, onun müraciətinə hakim Ələsgər Novruzovun sədrliyi ilə baxılacaq.

İş üzrə məhkəmə baxış iclası martın 30-na təyin olunub.

Qeyd edək ki, hadisə 2018-ci ilin iyun ayında Binəqədi rayonunu Hökməli qəsəbəsində baş verib.

Ağaramazan İsmayılovla mərhum Musa Babayev arasında mübahisə yaranıb. Mübahisəyə səbəb Musanın avtobusda Ağaramazanla şit zarafat etməsi olub. Ağaramazan Musanın başına iki sillə vurub və mübahisə də buradan başlayıb. Bundan sonra Ağaramazan avtobusdan düşüb və Musanı axşam məhəllədə görüşə dəvət edib. Axşamkı görüş isə qanlı bitib.

Elan edilmiş ittihamla Ağaramazan özünü qismən təqsirli bilib. 

O deyib ki, Musa Babayevlə qonşu olub: "Məni  söyürdü, təhqir edirdi. Artıq onun təhqirlərindən bezmişdim. Sonra Musa məni görüşə çağırdı. Evdən bıçaq götürüb getdim. Onu bıçaqla qorxutmaq istəyirdim. Lakin həmin zaman məni yenə təhqir edib döydü. Mən də hadisə zamanı özümdə olmadım, bıçağı necə vurduğum da yadımda deyil. Evə gəldim, bacıma dedim. Bacım da atama dedi. Məni aparıb polisə təhvil verdilər. Həmin bıçağı da polisə təqdim etdim".