“Azərbaycan Dəmir Yolları”nda yenidənqurma işləri davam edir
Bakı Dəmir Yolu Xəstəxanasında reanimasiya şöbəsi, kliniki laboratoriya, flüoroqrafitya kabineti əsaslı təmirdən sonra istifadəyə verilib.
Bu barədə “Azərbaycan Dəmir Yolları” QSC-nin mətbuat xidmətinin rəhbəri Nadir Əzməmmədov bildirib.
Onun sözlərinə görə, açılışda QSC-nin sədri Cavid Qurbanov da iştirak edib.
Cavid Qurbanov bildirib ki, 102 yaşlı xəstəxananın adıçəkilən şöbələrinin yenidən qurulması QSC-də aparılan yenidənqurma işlərinin tərkib hissələrindən biridir.
Qeyd edək ki, şöbələr yeni, müasir avadanlıqlarla təchiz olunub.
Açılışda çıxış edən C.Qurbanov dəmiryolçulara və onların ailə üzvlərinə nümunəvi tibbi xidmət göstərən səhiyyə işçilərinə təşəkkür etdi.
Sonda, sədr reanimasiya şöbəsi, kliniki laboratoriya, flüoroqrafitya şöbələrində görülən işlərlə tanış olub.
Ölkə.Az
