Moskvada "Qarabağ" komandasına sponsor tapıldı

Ukraynanın Odessa şəhərində futzal üzrə keçiriləcək ikinci beynəlxalq turnirdə iştirak etməyə Moskvanın Qarabağ komandası da dəvət alıb. Turnirdə iştirak etmək istəyən komanda maliyə axtarışı ilə məşğul idi.

Komandanın rəhbəri və oynayan məşqçisi Elnur Vəliyev Ölkə.Az-a verdiyi açıqlamada bildirib ki, komandaya artıq maliyyə dəstəyi verən tapılıb.

Moskvanın "Qarabağ" komandasına turnir boyu Rusiya-Azərbaycan Konqresinin sədri İlqar Hacıyev və onun köməkçisi Rauf Həsənov maliyyə yardımı edəcək.
Elnur Vəliyevin sözlərinə görə, Rusiya-Azərbaycan Konqresi dəfələrlə həmyerlilərimizə köməklik edib, ancaq bu, "Qarabağ" komandasına edilən ilk yardımdır.

"Ümid edirik ki, bizi yenə tək qoymayacaqlar", - deyə Elnur Vəliyev qeyd edib.

Qeyd edək ki, Moskvanın futzal üzrə "Qarabağ" komandasını Rusiyada yaşayan azərbaycanlılar yaradıb.

Səxavət Məmməd

Ölkə.Az