Paris Assanc və Snoudenə sığınacaq verməyə hazırdır

Bu qərar Fransa prezidenti və baş nazirinin səriştəsindədir.

Ölkə.Az xəbər verir ki, Fransanın ədliyyə naziri Kristian Tobira Parisin "Wikileaks" saytının təsisçisi Culian Assanc və Mərkəzi Kəşfiyyat İdarəsinin keçmiş əməkdaşı Edvard Snoudena siyasi sığınacaq verəcəyini istisna etmədiyini bildirib.

"Əgər Fransa Culian Assanc və Edvard Snoudena siyasi sığınacaq sığınacaq verməyi qərara alsa, buna təəccüblənməyəcəm. Bu, mümkündür", - deyə Tobira qeyd edib.

O əlavə edib ki, bu qərar Fransa prezidenti və baş nazirinin səriştəsindədir.

Xatırladaq ki, Culian Assanc "WikiLeaks" saytı ilə ABŞ hökumətinin yüzlərlə məxfi sənədllərini internetə sızdırmışdı. Snouden isə dünyada ABŞ xüsusi xidmət orqanlarının həyata keçirdikləri izləmə proqramlarını yaydıqdan sonra məşhurlaşıb və həbs təhlükəsi ilə üzləşdiyi üçün ölkəsini tərk edərək, Rusiyada gizlənib.

Rəşid Mustafazadə

Ölkə.Az