Bakıda 15 sentyabr tıxacı
Bu gün "Bilik günü" ilə əlaqədar şəhərin bütün yollarında uzun tıxaclar yaranıb.
Ölkə.az xəbər verir ki, dərs günün başlaması ilə birlikdə paytaxtda ciddi nəqliyyat problemi yaşanıb.
Müxbirlərimizin verdiyi məlumata görə, səhər saat 07.00-dan başlayaraq avtobuslar ağzına qədər dolu, metro isə basabas olub.
Vətəndaşlar dayanacaqlarda avtobuslara minə bilməyiblər. Basabasın hələ də davam etdiyi, şəhər nəqliyyatının həddindən artıq yüklənmədən iflic vəziyyətinə düşdüyü bildirilir.
Orta məktəblərin yerləşdiyi ərazilər isə sözün əsl mənasında keçilməz hala gəlib.
Hazırda müxbirlərimiz paytaxt nəqliyyatındakı vəziyyəti araşdırırlar və məsələ ilə bağlı oxucularımıza məlumat verəcəyik.
Ölkə.az
