5 min uşaq ölümlə üz-üzədir

Sudanda 5 min uşaq ölümlə təhlükəsi daşıyır, 250 min isə ölümlə üz-üzədir.

Ölkə.Az xəbər verir ki, Birləşmiş Millətlər Təşkilatı Cənubi Sudanda 5 min uşağın vəba xəstəliyi riski ilə qarşı-qarşıya olduğunu açıqlayıb.

BMT Cenevrə ofisində təşkil edilən mətbuat konfransında nitq söyləyən BMT Uşaqlara Yardım Fondunun sözçüsü Kristofe Buliras bildirib ki, 27 may tarixindən etibarən başlayan vəba epidemiyası, ikisi uşaq olmaqla, 19 nəfərin ölümünə səbəb olub. Ölkədə 237 nəfərin xəstəliyin ilkin əlamətlərini daşıdığını vurğulayan Buliras qeyd edib ki, onların 15% beş yaşından balaca uşaqlardır. Buliras, həmçinin nitqində əlavə edib ki, 5 min uşaq vəba epidemiyası riskini daşıyır və 250 min uşaq aclıq təhlükəsiylə üz-üzədir.

Qeyd edək ki, BMT Humanitar Məsələlər üzrə Əlaqələndirmə Ofisi Sudanda 2014-cü ildə baş verən vəba epidemiyasına tutulan 5560 nəfər insandan 118-nin vəfat etdiyini açıqlayıb.

Ölkə.az