Kürəyində bıçaq ülgücü ilə yaşayırmış

14 sm uzunluğunda ülgüc.

Ölkə.Az "El Heraldo"ya istinadən xəbər verir ki, Kolumbiyada yaşayan 19 yaşlı Conni Cunior Paçeko Molinares 1 ay boyunca kürəyində bıçaq ülgücü ilə yaşayıb.

O, bu müddət ərzində bədənində yad cismin olmasından şübhələnməyib. Məlum olub ki, Molinares əlbəyaxa dava zamanı xəsarət alsa da, hər hansı problemlə üzləşməyib. Yalnız 1 ay sonda tənəffüsündə çətinlik çəkən gənc həkimlərə müraciət edib. Rentgen müayinəsindən sonra onun kürəyində 14 sm uzunluğunda bıçaq ülgücü aşkar edilib.

Qeyd olunur ki, ülgüc həyat üçün mühüm olan orqanları zədələməyib. Cərrahi müdaxilədən sonra 19 yaşlı gənc evə yollanıb.

Ölkə.Az