Tunisdə atışmanı 15 yaşlı gənclər təşkil edib

30 nəfər dünyasını dəyişib.

Ölkə.Az xarici mediaya istinadən xəbər verir ki, Tunisin Sus şəhərində çimərlikdə yerləşən "Imperial Marhaba" və "Palm Marina" adlı 5 ulduzlu otellərdə atışmanı Liviyadan olan 2 nəfər 15 yaşlı yeniyetmə təşkil edib.

Onların hər ikisi polislər tərəfindən öldürülüb. Bu barədə məlumat Tunisdə yaşayan Rusiya vətəndaşı, hadisə şahidi Pyotr Çervonets tərəfindən verilib. Bu informasiya rəsmi təsdiqini hələlik tapmayıb. Çervontsun sözlərinə görə, Kalaşnikov avtomatları ilə silahlanmış iki yeniyetmə qayıqla çimərliyin sahilinə gəlib.

Son məlumata görə, hücumun nəticəsində əsasən Almaniya və Böyük Britaniya vətəndaşları olan 30 nəfər dünyasını dəyişib. Daha 20 nəfər şəxs isə yaralanıb.

Rəşid Mustafazadə

Ölkə.Az