Yunanıstanda referendum keçiriləcək

Təkliflər yunan xalqını təhqir etmə dərəcəsindədir.

Ölkə.Az xarici mediaya istinadən xəbər verir ki, Yunanıstan hökuməti kredit verənlərin təklif ediyi şərtlərin ağır olduğunu bildirərək referendum keçirməyi qərara alıb.

Yunanıstanın baş naziri Aleksis Cipraş kredit verənlərlə davam edən görüşün yaxşı nəticə verməyəcəyini anlayaraq Brüsseldən Afinaya geri qayıdıb və axşam saatlarında nazirlər kabinetini çağırıb.
Təxminən 5 saat davam edən nazirlər kabinetinin iclasının ardından televiziya kanallarından xalqa səslənən baş nazir bildirib ki, Avropa qurumlarının irəli sürdüyü şərtlərin qəbul edilib-edilməməsi xalq səsverməsinin nəticəsində bəlli olacaq.

Çipras qeyd edib ki, Beynəlxalq Valyuta Fondu və Mərkəzi Bankın Yunanıstana təqdim etdiyi təklif ultimatum xüsusiyyəti daşıyır və yunan xalqını təhqiretmə dərəcəsindədir. Həmçinin referendumun iyul ayının 5-də keçiriləcəyi bildirilib.

Cipras yunan xalqının bu referendumda təzyiq və təhdidlərə məruz qalmadan azad iradəsi ilə qərar verməsi üçün avropalı qurumlardan iyunun 30-da başa çatacaq Yunanıstanın inkişaf proqramının bir müddət uzadılmasını yazılı şəkildə tələb edəcəyini nəzərə çatdırıb.

Ölkə.Az