Avtomobilində bu avadanlıq olan sürücülər mütləq izləsin

Bu təhlükədən xəbəriniz olsun

Maye qazla işləyən avtomobil əvvəlcə tüstüləməyə başlayır. Sürücü bunu görüb avtomobili tərk edir. Sonra isə dəhşətli partlayış olur. Görüntülər bir daha maye qazla işləyən avtomobillərin təhlükəsizlik məsələsini aktullaşdırır. Xərci az olduğundan bəzi sürücülər avtomobilini maye qazla işlətməyə üstünlük verir. Ancaq bu sistem avtomobilə kustar usulla quraşdırıldıqda xoşagəlməz nəticələr doğura bilər. Belə güclü partlayışların qarşısını almaq üçün sistemi avtomobilə quraşdırırarkən bütün incəliklərə diqqət yetirilməlidir.

Ən əsası avtomobilə qazın saxlanıldığı balon avtomobil üçün nəzərdə tutulmalıdır və standartlara cavab verməlidir.

Hüquqşunas isə deyir ki, sistem Daxili İşlər Nazirliyinin 2012-ci ildə təsdiq etdiyi təlimata uyğun quraşdırılmalıdır. Təlimata əsasən avtonəqliyyat vasitəsi Baş Dövlət Yol Polisi İdarəsinin Elmi tədqiqat labaratoriyasına təqdim edilməlidir. Bu sistem yalnız labaratoriyanın verəcəyi müsbət rəydən sonra quraşdırıla bilər. (Avtosfer.az)