Ölkə.Az Baku 2015 I Avropa Oyunlarını necə işıqlandırdı?

İdman tarixində ilk dəfə keçirilən I Avropa Oyunları 2015 işıqlandırılması milli mediamızın üzərinə düşən vəzifə idi.

Hələ Avropa Oyunları başlamazdan əvvəl Azərbaycana düşmən qüvvələrin apardığı çirkin kampaniyanın qarşısının alınması üçün milli mediamız səfərbər oldu. Azərbaycanın informasiya məkanındakı ən populyar xəbər portallarından biri kimi Ölkə.Az fasiləsiz xəbər mərkəzi də bu beynəlxalq hadisənin düzgün işıqlandırlımsaı üçün əməkdaşlarını səfərbər etdi.

Saytın ön səhifəsində, ən yuxarı hissədə "Bakı2015" bölməsi yaradıldı. Oyunların açılışından tutmuş, yarışların gedişi, nəticələrinə qədər bütün prossesi diqqətlə izləyən və anında oxucularına çatdıran Ölkə.az öz üzərinə düşən missiyanın öhdəsindən layiqincə gəldi.

Ölkə.Az saytında I Avropa Oyunları başlayandan bağlanış mərasiminə qədər bu tədbir haqqında 1000-ə yaxın xəbər dərc edildi. Oyunların gedişi, yarışlar və onların nəticələri və qaliblərin mükafatlandırılmasına qədər Ölkə.Az saytı bütün prossesi tam olaraq işıqlandırıb.

Bundan başqa redaksiya heyətindən beş nəfərlik "Bakı2015" işçi qrupu yaradılmışdı ki, həmin qrup mütəmadi olaraq həm əhali arasında Oyunlara münasibət, həm xaricilərin ölkəmiz haqqındakı təəssüratlarını öyrənmək üçün videosorğular keçirdilər. Yarışların keçirildiyi məkanlardan fotosessiyalar oxuculara təqdim olundu.

Hazırda bütün internet mediada böyük maraqla izlənən həmin videosorğular məhz Ölkə.Az-ın "I Avropa Oyunlarınnın işıqlandırılması" layihəsi çərçivəsində hazırlanmış və sırf Ölkə.Az-ın öz istehsalı olan efir məhsuludur.

Belə mötəbər və nəhəng tədbirin uğurla keçirilməsi münasibəti ilə xalqımızı təbrik edir və bildirmək istəyirik ki, cəmiyyətimizin bir yumruq kimi birləşməsi onu göstərdi ki, əgər bir olsaq, hətta arxasında qlobal güclərin belə dayandığı düşmənlərimiz bizi haqq yolumuzdan döndərə bilməz. I Avropa Oyunları onu göstərdi ki, gənc Azərbaycan dövləti öz dayaqları üzərində möhkəm dayanıb və onu inkişaf, tərəqqi yolundan heç sapdıra bilməz.

Ölkə.az