“Qarabağ” Rusiya və Rumıniyadan olan nəhənglərlə oynayacaq
Çempionlar Liqasına hazırlıq gedir.
Avstriyada təlimlər zamanı “Qarabağ” futbol klubunun daha iki rəqibi məlum oldu.
Ölkə.Az xəbər verir ki, bu, Rumıniya və Rusiyadan olan yetərincə tanınmış, dəfələrlə öz ölkələrinin çempionu olan Buxarestin “Styaua” və Moskvanın “Lokomotiv” komandalarıdır.
Rumınlar ilə Azərbaycan çempionu iyulun 3-ü, rusiyalılar ilə isə 7-si oynayacaq.
Bundan başqa, iyunun 30-da “Qarabağ”ın rəqibi Avstriyanın “Horn” klubu olacaq.
Təlimlər Avstriyada iyulun 8-də başa çatacaq. İyulun 15-də Çempionlar Liqasının 2-ci təsnifləşdirmə raundunda Bakıda Monteneqronun “Rudar” komandası qəbul ediləcək. 21:30-da başlanacaq oyun Tofiq Bəhramov adına Respublika stadionunda keçiriləcək.
