Kim Çen In buna görə memarı edam etdirdi

Ma Von Çun 2014-cü ilin noyabr ayında vəzifəsindən sui-istifadə edib.

Ölkə.Az xarici mətbuata istinadən xəbər verir ki, Şimali Koreya prezidenti Kim Çen In paytaxt Pxenyanda tikilən yeni hava limanının layihəsini bəyənmədiyi üçün onun baş memarını öldürtdürüb.

“The Diplomat” saytının xəbərinə görə, digər yüksəkvəzifəli 5 nəfərlə birlikdə böyük layihələrin baş memarı Ma Von Çun 2014-cü ilin noyabr ayında vəzifəsindən sui-istifadə etdiyi və verilən əmrləri yerinə yetirmədiyi üçün edam edilib.

Keçən ildən bəri haqqında xəbər alınmayan Milli Müdafiə Komissiyası Dizayn Şöbəsinin direktoru Ma Von Çun Şimali Koreya lideri Kim Çen Inın həyat yoldaşı ilə birlikdə gəzdiyi yeni hava limanında da görünməyib.

Ma Von Çunun edam edilməsi ilə bağlı iddianın Şimali Koreya Mərkəzi Xəbər Agentliyinin verdiyi bu bülletenlə eyni vaxta təsadüf etməsi diqqət çəkib:

”Hava limanının inşaatının son mərhələsində bəzi qüsurlar ortaya çıxdı. Buna səbəb dizaynerlərin gözəllik anlayışını ön plana çəkməmələridir”.

Ölkə.Az