\"Olimpiya yolu\"nun aqibəti necə olacaq?

Birinci Avropa Oyunlarında müəyyən edilmiş marşrut xətti üzrə oyunlara aid yol nişanları, oyunların loqosu və sarı xəttlər çəkilmişdi.

Dünən I Avropa Oyunları başa çatdı. Hər kəsi, xüsusi ilə də sürücüləri düşündürən əsas məsələlərdən biri "sarı xətt olan yolla hərəkət etmək olarmı?" sualıdır.

Bu suala Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov Ölkə.az-da aydınlıq gətirib.

Vaqif Əsədovun sözlərinə görə, bu sualın cavabına 30 iyunda aydınlıq gətiriləcək. Bu barədə hələ bizdə də dəqiq bir məlumat yoxdur. Sabah bu yolların aqibətinə aydınlıq gətiriləcək.

Qeyd edək ki, Birinci Avropa Oyunlarında müəyyən edilmiş marşrut xətti üzrə oyunlara aid yol nişanları və “Oyunların loqosu” və sarı xəttlər çəkilmiş yola digər maşınların daxil olması 60 manat 3 balla cəzalandırılırdı.

Səxavət Məmməd
Ölkə.az