İki avtomobil nəhəngi birləşdi

"Fiat-Chrysler" bu gün Nyu-York birjasında səhmlərini satışa çıxarıb

Olkə.azın xarici mətbuata istinadən verdiyi məlumata görə dünyanın 7-ci ən böyük avtomobil istehsalçısı olan "Fiat-Chrysler" bu gün səhmlərini  Nyu-York birjasına çıxarıb . Fiat səhmdarları, avqust ayının əvvəlində təşkil edilən ümumi iclasda "Chrysler" şirkəti ilə birləşəcəklərini  təsdiqləmişdilər. 

Birləşməklə eyni vaxtda şirkətin mərkəzi və tabe olduğu ölkə də dəyişmişdi. "Fiat Chrysler Automobiles" adını alan yeni şirkətin mərkəzi ofisi Böyük Britaniyada yerləşir. "Fiat Chrysler" şirkətinin səhmləri Nyu-Yorkla yanaşı  İtaliyanın Milan şəhər birjasında da satışa çıxarılacaq. 

"Fiat" şirkəti , 2009-ci ildə Chrysler şirkətinin səhmlərinin 20%-ni və  əsas rəhbər vəzifəni almağa müvəffəq olmuşdu. "Chrysler" şirkətindəki  hissə payını mərhələ-mərhələ artıran "Fiat", yanvar ayında hissələrin hamısının alındığını açıqlamışdı.

Ziya Rəhmanov

Ölkə.az