Fransanın Qarabağdakı "aktivliyi".... Makronun seçki oyunbazlığı...
Belə ki, Fransa prezidenti Emanuel Makronun istər Rusiya-Ukrayna, istərsə də Qarabağ məsələsindəki "aktivliyi" birbaşa bu ölkədə aprelin 10-da keçiriləcək prezident seçkiləri ilə bağlı bağlıdır.
Makron Fransanın Avropa İttifaqına sədriliyindən ölkədə keçiriləcək prezident seçkilərində reytinq qazanmaq üçün bir təbliğat vasitəsi kimi istifadə edir.
Makronun Rusiya-Ukrayna müharibəsində Putinlə davamlı nəticəsiz telefon dialoqu həm Aİ çərçivəsində özünü "barışçı" kimi göstərməyə, həm də daxili auditoriyada reytinq toplamasına xidmət edir.
Qarabağ məsələsindəki "aktivliyi" isə daha çox Fransadakı erməni diasporasının səsini qaznamağa xidmət edir. Çünki Fransadakı erməni diasporası çoxsaylı və ölkədəki ictimai-siyasi proseslərdə aktiv olduğundan əksər prezidentliyə namizədlər onların dəstəyini qazanmağa çalışır. Bu məqsədlə onlar Qarabağ kartından faydalanmağa çalışır. Makron da növbəti seçkilərdə qələbə qazanmaq üçün Qarabağ kartından faydalanıb ermənilərin dəstəyini almağa çalışır. Elə aprelin 6-da Avropa İttifaqının təşəbbüsü ilə Azərbaycan və Ermənistan liderləri arasında görüşün təşkili də bu məqsədlərə xidmət edir. Makron Aİ arxasında gizlənərək guya Ermənistan-Azərbaycan münaqişəsi istiqamətində konkret addım atdığını nümayiş etdirməklə erməni diasporunun dəstəyini qazanmağı qarşısına məqsəd qoyub. Bu görüş heç də Cənubi Qafqazda real sülhün, sabitliyin və sıx regional əməkdaşlığın təmin olunmasına deyil, seçkiöncəsi səs qazanmaq oyunbazlığına xidmət edir.
Mürtəza Bünyadlı
Ölkə.Az
