İqor Yermilin: Rusiya Azərbaycandan geri qalmamalıdır

“Azərbaycan artıq “Formula-1” komandasının yaradılması üzrə strategiya qurur”.

Rusiya Avtomobil Federasiyasının prezidenti İqor Yermilin “Formula-1”də öz komandasına sahib olmağa hazırlaşan Azərbaycanı nümunə gətirib.

“Bugünkü vəziyyətdə mən perspektivdə dünyanın ən yaxşı yarış komandalarının beşliyinə düşə biləcək Rusiya komandasını formalaşdırmaqda heç bir problem görmürəm, - Ölkə.Az Yermilinin “İzvestiya”da dərc edilmiş sözlərindən sitat gətirir. – Bizim texnika ilə, xüsusilə də kosmos və hərbi aviasiya sahəsindəki ağıllı və istedadlı adamlarımızla biz bütün dünyaya nailiyyətlərimizi nümayiş etdirə bilərik.

Gələn il Qran-prini qəbul edəcək Azərbaycan artıq öz komandasını formalaşdırmasına dair strategiya qurur, Rusiya isə yox, bu, xətrədəyən haldır. Azərbaycan hökuməti əmindir ki, öz ölkəsini layiqincə təmsil etmək üçün onlara öz yarış komandası və pilot labüddür. Mən düşünürəm ki, bu, ölkənin qarşısına qoyduğu məqsəd və vəzifələrə nəzərən realdır.

Rusiya da geridə qalmamalıdır. Mən özüm Rusiya komandasını qaldırmağa və formalaşdırmağa hazıram. Biz yarışlar barədə sadəcə əyləncə və turistlərin cəlb edilməsi vasitəsi kimi düşünməməliyik, biz bütün dünyaya Rusiyanın texniki cəhətdən inkişaf etmiş bir ölkə olduğunu göstərməliyik”.

Xatırladaq ki, “Formula-1” Avropa Qran-prisi Azərbaycanda gələn ilin payızında keçiriləcək.

Ölkə.Az