İran nüvə proqramını bərpa edir?

İran üzərindən sanksiyaların götürülməsi mexanizmi müzakirə ediləcək.

Ölkə.Az "Reuters" agentliyinə istinadən xəbər verir ki, İran prezidenti Həsən Ruhani "altılığın" planlaşdırılmış razılaşma çərçivəsində öhdəlikləri yerinə yetirmədiyi halda Tehranın nüvə sahəsində dayandırılmış işləri bərpa edəcəyini bəyan edib.

"Əgər biz razılaşma əldə etsən, hər iki tərəf ona əməl etməlidir. Əgər digər tərəf anlaşmanı pozarsa, biz onların təsəvvür edəcəyindən də güclü şəkildə əvvəlki yolumuza qayıdacağıq", - deyə Ruhani bildirib.

Hazırda "altılıq" və İran nüvə proqramına dair yekun razılaşma üzərində işləyirlər. Danışıqlarda MAQATE təftişinin keçirilməsi və İran üzərindən sanksiyaların götürülməsi mexanizmi müzakirə ediləcək.

Rəşid Mustafazadə

Ölkə.Az