BMT-dən şok açıqlama: \"Zorlayıb diri-diri yandırdılar\"

Loj: ” Bu, vəhşilikdə yeni səviyyədir”

Ölkə.Az xarici mətbuata istinadla xəbər verir ki, BMT verdiyi açıqlamasında Cənubi Sudanın ordusunda fəaliyyət göstərən əsgərlərin çoxlu sayda qadın və qızlara təcavüz etdikdən sonra diri-diri yandırdıqlarını bildirib.

BMT-nin Cənubi Sudandakı missiyası (UNMISS) qeyd edib ki, orduda fəaliyyət göstərən əsgərlər dinc insanları oldürüb, evlərini, iş yerlərini yandırıb və 10 mindən çox insanı köçməyə məcbur edib. BMT baş katibinin xüsusi nümayəndəsi Elen Margrete Loj təcavüz, yandırma və yağmalama hadisələrinin vəhşilikdə yeni səviyyə olduğunu bildirib.

Qeyd edək ki, dünyanın ən gənc dövləti olan Cənubi Sudanda 2013-cü ilin sonlarında başlayan şiddətli hadisələr nəticəsində 1,95 milyon insan yaşadıqları ərazidən didərgin olmuş və 293 min nəfər qonşu ölkələrə sığınmışdı.

Ölkə.Az