Yunanıstan böhranı Rusiyaya necə təsir edəcək?

"Yunanıstan öz maraqlarından çıxış edərək lazımi hesab etdiyi şəkildə beynəlxalq münasibətləri qura bilər"

Ölkə.Az "TASS" agentliyinə istinadən xəbər verir ki, Ağ Evin mətbuat katibi Coş Ernestin sözlərinə görə, Rusiya Yunanıstanda yaşanan borc böhranını mövqelərini möhkəmləndirmək üçün istifadə edə bilməyəcək.

"Rusiya və Yunanıstan münasibətlərinə gəlincə, Yunanıstan öz maraqlarından çıxış edərək lazımi hesab etdiyi şəkildə beynəlxalq münasibətləri qura bilər. Lakin, mən Yunanıstan baş nazirinin Moskvaya səfəri ilə bağlı artıq danışmışam, bu iki ölkə və iki lider dözümsüz iqtisadiyyata malikdirlər", - deyə katib bildirib.

Onun sözlərinə görə, ABŞ ölkənin avrozonada qalması üçün Aİ ilə Yunanıstan arasında gələcək danışıqların zəruri olduğuna əmindir. Ernest qeyd edib ki, Yunanıstanda böhran avrozonada vəziyyətin pisləşməsi ilə ABŞ iqtisadiyyatına da neqativ təsir göstərə bilər.

Rəşid Mustafazadə

Ölkə.Az