Aqrar sahənin sığortalanmasına dair yeni qanun layihəsi hazırlanır

Bilirsiz ki, ölkəni inkişaf elətdirən vacib sahələrindən biri kənd təsərrüfatıdır. Bu gün keçirilən sığorta forumunda da qeyd olunduğu kimi aqrar sahənin sığortalanmasına dair yeni qanun layihəsi hazırlanma mərhələsindədir.

Bu sözləri Maliyyə nazirinin müavini Azər Bayramov jurnalistlərə bildirib.

Onun sözlərinə görə, hazırda layihənin ilkin variantı hazırdır və bu ətrafda müzakirələr gedir.

Nazir müavini əlavə edib ki, yeni qanun layihəsində aqrar sektorun bütün sahələri nəzərə alınacaq:

“Kənd təsərrüfatı sahəsi sığortada ən riskli sahələrdən biridir, ona görə də söhbət bu sahədə risklərin aradan qaldırılması üçün kənd təsərrüfatının bütün sahələrindən gedir. Sığorta risklərinin qarşılanması üçün qanun layihəsində bütün bu məsələlər öz əksini tapacaq.

Bu günə qədər konkret sahələrin sığortalanmasından söhbət gedirdisə, indi bütövlükdə aqrar sahənin genişlənməsi və vahid prinsiplərin müəyyən edilməsindən gedir”.

Bundan əlavə Bayramov qeyd edib ki, son illərdə sığorta sektorunda inkişaf dinamikası ümumi qeyri-neft sektorunun ÜDM-in artım sürətini də üstələyir.oxu.az

Ölkə.Az