Zülfiyyə Hüseynova: "Mən atışmaya çıxanda o xanımlar arxamda durmadı"

"Mən atışmaya çıxanda o xanımların heç biri arxamda durmadı. Ona görə də heç nə deyə bilmərəm".

Bu fikirləri Ölkə.az-a açıqlamasında Azərbaycanın əfsanəvi xanım idmançısı, cüdo üzrə dördqat, sambo üzrə beşqat dünya çempionumuz Zülfiyyə Hüseynova Birinci Avropa Oyunlarında uğursuz çıxış etmiş xanım cüdoçuların Cüdo Federasiyasının rəhbərliyi barədə səsləndirdiyi ittihamlara münasibət bildirərkən səsləndirib. Z.Hüseynova bildirib ki, kimsə məşq etməyib uduzursa, təqsiri özündə axtarmalıdır:

"Əgər tənbəllik edib məşq etmirəmsə, kimin günahı ola bilər? Kim udub ,kim uduzub özləri cavab versinlər".

Qeyd edək ki, qadınlardan ibarət cüdo millimizin üzvləri Kifayət Qasımova, Nərgiz İbrahimova, Xanım Hüseynova, Aişə Qurbanlı "Qafqazinfo"ya müsahibə verərək birinci Avropa Oyunlarındakı uğursuz çıxışlarını Cüdo Federasiyasının onlara lazımi diqqət və qayğı göstərməməsi ilə əlaqələndiriblər.

İntiqam VALEHOĞLU
Ölkə.az