"Əl-Qaidə" liderlərindən biri öldürüldü
Əməliyyatda 40 ədəd əl bombası, 15 kiloqram partlayıcı və çox sayda silah ələ keçirilib.
Ölkə.Az xarici mətbuata istinadən xəbər verir ki, Pakistanın Lahor əyalətində təşkil edilən mətbuat konfransında danışan nazir Şuja Hanzadə təhlükəsizlik orqanlarının bazar ertəsi Şekihpura ərazisindəki evdə əməliyyat keçirdiklərini bildirib.
Əməliyyatda 4 "Əl-Qaidə" üzvünün ölü halda ələ keçirildiyini ifadə edən Şuja Hanzadə aparılan axtarışlarda 40 ədəd əl bombası, 15 kiloqram partlayıcı və çox sayda silahın ələ keçirildiyini bildirib. O qeyd edib ki, ölənlərdən biri "Əl-Qaidə" terror təşkilatının məsul şəxsidir.
Pakistan "Taliban" qruplaşmasının 2014-cü ilin may ayında beynəlxalq Karaçi hava limanına hücum etməsi nəticəsində 29 nəfər həlak olmuşdu. Bu hadisədən sonra 2014-cü ilin iyun ayında Pakistan ordusu Əfqanıstanın sərhədindəki şimali Vəziristan bölgəsinə genişmiqyaslı əməliyyat təşkil etmişdi.
Ölkə.Az