"Azərbaycan regionda ən yaxşı reytinqlərdən birinə malikdir"

Bunu bu gün Bakıda keçirilən VI Azərbaycan Beynəlxalq Sığorta Forumunda çıxışı zamanı “Standard & Poors” reytinq agentliyinin kredit analitiki Viktor Nikolski deyib.

Onun sözlərinə görə, buna imkan yaradan amillərdən biri ölkənin dövlət borcunun az olmasıdır: “Ölkə dünya bazarında neftin qiymətinin ucuzlaşmasından zərər görsə də, Azərbaycanın investisiya reytinqi "BBB-" səviyyəsindədir ki, bu da bəzi Avropa ölkələrinin reytinq göstəricisindən yüksəkdir. Ölkənin reytinqi daha yüksək ola bilər, bununla yanaşı, göstərici Rusiya, Belarus, hətta Türkiyədən yüksəkdir. Ukraynadan isə danışmağa dəyməz”.

V.Nikolski qeyd edib ki, regionda inkişaf etməkdə olan bazarların hamısı tarixi göstəricisindən aşağı səviyyədə inkişaf edir: “2010-cu ilədək regiondakı ölkələrin artımı 5 faizdən yuxarı idi, indi isə əksəriyyətində bu göstərici sıfıra yaxınlaşır”.trend

Ölkə.Az