Yaddaşını itirmiş arvadı üçün yenidən toy etdi
1 avqustda toy baş tutacaq.
Ölkə.Az xəbər verir ki, ABŞ-ın Tennessi ştatının sakini amneziyadan əziyyət çəkən həyat yoldaşı üçün təkrar toy mərasimi təşkil etməyi qərara alıb.
"BuzzFeed" yazır ki, Ceremi və Castis Stamper cütlüyü ötən ilin 1 avqustunda evlənsə də, bir neçə həftə sonra Castis yol-nəqliyyat qəzasına düşüb və qismən yaddaşını itirib.
Həkimlər yardım etsə də, bir ay sonra Castis ərinə son 5 həftədə baş verənləri unutduğunu bildirib. O, tez-tez tor şəkillərinə baxsa da, xatirələrii bərpa edə bilməyib. Bunu görən Ceremi təkrar toy mərasimi keçirib.
Tədbirin təşkili üçün Stamper "GoFundMe" servisində səhifə açaraq insanlardan toy xərcləri üçün 5 min dollar istəyib. Lazımi məbləğ bir aya toplanıb və elə bu ilin 1 avqustunda toy baş tutacaq.
Ölkə.Az