Lavrov: \"ABŞ Ermənistanda inqilab etmək istəyir\"

Ölkə.az xəbər verir ki, Rusiya ABŞ-ın Ermənistanda inqilab etmək cəhdlərini pisləyib.

Rusiyanın XİN başçısı Sergey Lavrov ABŞ-ı Ermənistanda "rəngli inqilab" etmək cəhdlərindən çəkinməyə çağırıb.

"Siz rəngli inqilabın Ukraynada necə baş verdiyini bilirsiniz. İndi orada həmin çevrilişi həyata keçirənlər Ermənistandakı vəziyyəti də gərginləşdirmək istəyirlər. Oradakı iqtisadi problemi siyasiləşdirərək xalqın narazılığını hakimiyyətə qarşı çevirmək və ölkəni qarışdırmaq istəyirlər", Lavrov BRİKS ölkələrinin gənclər sammitindəki çıxışında belə deyib.

Lavrov daha sonra ABŞ-ın Ermənistandakı bəzi qrupları qızışdıraraq, Rusiyanın hərbi bazasının olduğu bu ölkədə vəziyyəti öz xeyrinə dəyişmək istədiyini bildirib.

Ölkə.az