Yarımildə 71 jurnalist öldürüldü

Yaxın Şərq və Şimali Afrika bölgələri jurnalistlər üçün ən təhlükəli ərazidir.

Ölkə.Az xəbər verir ki, BMT-də xüsusi məsləhət statusuna sahib olan "Press Emblem Campaign" ilin ilk 6 ayında 24 ölkədə 71 jurnalistin öldürüldüyünu bildirib.

PEC-in 2014-cü il hesabatında qeyd olunub ki, Yaxın Şərq və Şimali Afrika bölgələri jurnalistlər üçün ən təhlükəli ərazidir və ilin ilk yarısında Liviyada 8, Yəməndə 6, İraqda 6, Suriyada 2, Qəzzada isə 1 jurnalist qətlə yetirilib.

Jurnalistlər üçün ilin ilk 6 ayında ən təhlükəli üçüncü ərazi isə Avropa olub. Avropada bu ilin başlanğıcından indiyə kimi Fransada 8, Ukraynada 4, Polşada isə 1 jurnalist olmaqla, ümumillikdə 13 mətbuat işçisi öldürülüb.

Qeyd edək ki, PEC keçən il dünyada 32 ölkədə 138 jurnalistin öldüyünü açıqlamışdı.

Ölkə.Az