Səudiyyə Ərəbistanı parçalanma təhlükəsi ilə üz-üzə

Əsas məqsədi cənub-şərqdə yerləşən Nəcran vilayətinin krallıqdan ayrılmasıdır.

Ölkə.Az "Fars" agentliyinə istinadən xəbər verir ki, Səudiyyə Ərəbistanında "Nəcran gəncləri" adlı yeni silahlı müxalif hərəkatı formalaşıb.

Onların əsas məqsədi cənub-şərqdə yerləşən Nəcran vilayətinin krallıqdan ayrılmasıdır. Sözügedən təşkilat qarşısına əsas hədəf kimi yəmənlilərə dəstək verməyi və Yəmənlə sərhəddə olan vilayətin Səudiyyədən ayrılmasını qarşısına qoymuş "Əxrar ən-Nəcran" ("Nəcranın azad vətəndaşları") birliyinə qurulmasından 10 gün sonra yaradılmışdı.

1920-1930-cu illərdə Yəmən və Səudiyyə Ərəbistanı Nəcran uğrunda qanlı müharibə aparıblar. 1934-cü ildə isə vilayətin ərazisi işğal olunaraq krallığın tərkibinə qatılmışdı. O dövrdən sakinlər daimi ayrıseçkiliyə məruz qaldıqlarından şikayətlənirlər.

Ən gərgin vəziyyət isə 1996-cı ildə müşahidə olunub. Belə ki, vilayətin qubernatoru vəzifəsinə hakim ailənin üzvlərindən biri, Mişaal ben Səud təyin edilmişdi.

Nəcran sakinləri ənənəvi olaraq Yəmənlə sıx əlaqələr saxlayır . Hal-hazırda burada 1,6 milyon əhali yaşayır. Onların böyük hissəsi ismailliyə icmasına aid olan şiə müsəlmanlarıdır. 2000-ci ildə Nəcranda dəfələrlə ismaililərlə hökumət qüvvələri arasında toqquşmalar yaşanıb.

Xatırladaq ki, Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az