Yunanıstanın maliyyə naziri Aİ-ni terrorizmdə ittiham etdi
O, Aİ-nin siyasətini terrorizm adlandırıb.
Ölkə.Az-ın verdiyi xəbərə görə, Yunanıstanın maliyyə naziri Yanis Varufakis bəyan edib ki, Avropa İttifaqının Yunanıstana dair siyasəti terrorizmdir. O, bu barədə İspaniyanın "El Mundo" qəzetinə müsahibəsində danışıb.
"Onların Yunanıstana qarşı etdikləri sadəcə terrorizmdir. Niyə bizi bankları bağlamağa məcbur etdilər? İnsanları qorxutmaq. Terrorizmin yayılması barədə söhbət gedəndə", - deyə Varufakis bildirib.
Onun sözlərinə görə, referendumun istənilən nəticəsində razılığın əldə olunması mürəkkəb olacaq, çünki bu, hər iki tərəfə baha başa gələcək.
Xatırladaq ki, Yunanıstan iyunun 30-dək Beynəlxalq Valyuta Fonduna (BVF) 1.5 milyard avro məbləğində borcunu qaytarmaq barədə öhdəliyini yerinə yetirməyib. Sabah ölkədə referendumun keçirilməsi gözlənilir.
Rəşid Mustafazadə
Ölkə.Az
