29 yaşlı gənc özünü asdı

O, ölümdən qabaq məktub yazıb.

Dünən gecə Quba şəhərində 29 yaşlı sakin intihar edib.

Ölkə.Az xəbər verir ki, bu barədə Vesti.Az-a Quba rayon Prokurorluğunda bildiriblər.

Xəbər verildiyi kimi, 1985-ci il təvəllüdlü yerli sakin Abbasov Elvin Canpolad oğlu əhaliyə kompüter xidmətləri göstərdiyi ofisində intihar edib. Abbasovun cəsədini müştərilərdən biri axşam saat doqquz radələrində aşkarlayıb. Abbasov sintetik ip vasitəsilə özünü asıb.

İntiharın səbəbləri hələ məlum deyil, bu istiqamətdə iş aparılır. Amma onun ölümündən qabaq bu həyatdan yorulduğunu bildirdiyi məktubu yazması məlumdur.

Bundan başqa Abbasovun iki il bundan öncə boşanması da məlumdur.

Fakt üzrə istintaq davam edir.

10:22

Sentyabrın 10-da axşam saatlarında Quba rayonunda intihar faktı qeydə alınıb. 

Ölkə.Az APA-ya istinadən xəbər verir ki, Quba şəhər sakini, 1985-i il təvəllüdlü Abbasov Elvin Canpolad oğlu özünü asıb. 

Onun hansı səbəbdən intihar etdiyi məlum deyil.

Faktla bağlı Quba Rayon Prokurorluğunda araşdırmalar davam etdirilir.

Ölkə.Az