Bu festivalda kişilər qadınlarını dəyişdirir
Kəndlərinə "həyat yoldaşı dəyişdirmə" festivalı gəlib.
Ölkə.Az xəbər verir ki, İngiltərənin Qlosterşir bölgəsindəki Flaksey kəndinin sakinləri yaşadıqları səssiz sakit bölgəyə "həyat yoldaşı dəyişdirmə" festivalı üçün 500 adamın axın edəcəyini öyrənincə şok olublar.
Kənddə yaşayan təxminən 30 adam "Swingfield" adlı festivalın Flakseydə keçiriləcəyindən xəbərdar olmadıqlarını və bir səhər oyanıb ətrafda qurulan çadırları və park edən avtomobilləri görüncə çaşdıqlarını söyləyiblər.
"Daily Mail" qəzetinə danışan kənd sakinləri, musiqinin səsinin azaldılmasını xahiş etmək üçün festivala qatılanların yanına getdiklərində seksual xarakterli afişalar gördüklərini və kəndlərində təşkil edilən bu festivalın sıradan bir musiqi festivalı olmadığını anladıqlarını söyləyiblər.
Adını açıqlamaq istəməyən bir kənd sakini aşağıdakıları söyləyib:
"Bizim dərdimiz festivalda nələr edildiyi deyil, çünki insanların şəxsi həyatlarında nə istəsələr, onu edə biləcəyinə inanırıq. Ancaq festivaldan gələn səslər həqiqətən dözülməzdir".
Festivalın cümə axşamı günü başladığı və bazar ertəsi günü sona çatdığı qeyd edilib. Festivala qatılmaq üçün bilet alanların belə festivalın gizliliyinin qorunması üçün yığıncağın harada reallaşacağını ancaq yola çıxacaqları tarixdən iki gün əvvəl öyrəndiyi açıqlanıb.
Ölkə.Az
