İŞİD İraqın Kərkük şəhərinə hücum etdi
İraqın Kərkük şəhəri İŞİD silahlılarının hücumlarına məruz qalıb.
Hazırda peşmərgə kürd qüvvələrinin nəzarəti altında olan şəhərin cənub-qərb hissəsində ağır döyüşlər gedib.
Peşmərgə komandiri Uasta Rəsul İŞİD-in 600-ə yaxın silahlı ilə şəhərin cənub-qərb rayonlarına hücum etdiklərini bildirib. Lakin, onun sözlərinə görə, kürd hərbi qüvvələri hücumların qarşısını vaxtında ala bilib.
Peşmərgə İŞİD döyüşçülərinin mövqelərini iriçaplı silahlarla atəşə tutub. Məlumata görə, anti-İŞİD koalisiyası hərbi hava qüvvələri də əməliyyatlara dəstək olublar. (ans)
Ölkə.Az