Rusiyada məhkəmə embarqo edilmiş malların satışına icazə verib
Sankt-Peterburq və Leninqrad vilayətinin arbitraj məhkəməsi Rusiya ərazisində idxalı yasaqlanmış malların satılmasının qanuna zidd olmadığını bildirib.
Hökm “Maqnit” ticarət şəbəkəsinə qarşı dövlət nəzarətçisi olan “Rospotrebsoyuz” qurumunun iddiası ilə bağlı keçirilən məhkəmə prosesində səslənib. "Hökumət məhdudiyyətləri müəyyən malların reallaşdırılmasına (satılmasına) yox, onların ölkəyə gətirilməsinə aiddir”, - məhkəmə qərarında deyilir.
Hökmə əsasən, pendir də daxil olmaqla süd məmulatlarının satışına qoyulan məhdudiyyətlər qanunvericilikdə öz əksini tapmayıb və buna görə də işdə cinayət tərkibi movcüd deyil.
Beləliklə, qərar, embarqo edilmiş malların idxalı ilə satışı arasında fərq olduğunu təsbit edib. Bundan əvvəl “Maqnit” şəbəkəsi idxalı yasaqlanmış pendir satışına görə cərimələnib.
İyun ayının sonunda Moskva Rusiyaya qarşı sanksiyalar tətbiq edən ölkələrdən müəyyən malların idxalına qoyduğu qadağa müddətini uzadıb.
Bundan əvvəl isə Avropa İttifaqı Krımın ilhaqı və Rusiyanın Ukraynadakı roluna görə elan etdiyi iqtisadi sanksiyalar müddətinin 6 aya uzadılması barədə qərar qəbul edib. (ans)
Ölkə.Az