3 oyuna 114 qol buraxan ölkə kömək istəyir

“Bu idmanımız üçün əla təkan olacaq”.

Mikroneziya federativ ştatlarının futbol federasiyası Beynəlxalq Futbol Assosiasiyaları Federasiyasından (FIFA) onun tərkibinə daxil edilməyini xahiş edib.

“Mən hesab edirəm ki, FİFA gələn həftə bizə inspeksiya ilə gələcək, və bizi Asiya zonasına keçirəcək. Əgər bu baş verərsə, bizə texniki yardım və digər imtiyazlar veriləcək. Bu idmanımız üçün əla təkan olacaq”,- Mikroneziyanın baş məşqçisi Sten Foster deyib.

Qeyd edək ki, Mikroneziya yığması Sakit Okean oyunlarında son 3 oyunda məğlub olublar (ümumi hesab 0:114). Komanda Taiti yığmasına (0:30), Fici (0:38) və Vanuatu (0:46) hesabı ilə uduzub.

Mikroneziya Sakit okeanda Papua Yeni Qvineyanın şərqində yerləşən adacıqlar qrupudur. Əhalisi 106 min nəfərdir.

Hal-hazırda FİFA-ya 209 milli assosiyasiya daxildir. (oxu.az)

Ölkə.Az