Yezidilər Avropaya qaçır
Dubani: “Əgər yezidilər ölkəni tərk etməyə davam etsə, yezid dini məhv olacaq”
Ölkə.Az xarici mətbuata istinadən xəbər verir ki, İraqda hər ay təxminən 5 min yezidinin İŞİD terror təşkilatı tərəfindən təhdid səbəbiylə ölkələrini tərk etdiyi bildirilib.
Mosulun Şənqal rayonunda və kəndlərində yaşayan yezidilər İŞİD hücumu nəticəsində Peşmərgənin nəzarətində olan Duhok kəndinə sığınmış, amma orada olan şəraiti bəyənmədikləri üçün çıxış yolunu Türkiyə vasitəsilə Avropaya köçməkdə görürlər.
Vali Hadi Dubani açıqlamasında bildirib ki, gün ərzində təxminən 150-200 vətəndaş İraqı tərk edir. Din adamlarının xalqa səslənməsinə baxmayaraq, ölkəni tərk edən əhalinin sayı azalmır.
“Əgər yezidlər ölkəni tərk etməyə davam etsə, yezid dini məhv olma təhlükəsiylə üz-üzə qalacaq”, - deyə, Dubani əlavə edib.
Ölkə.Az
