75 il birgə yaşayıb, bir gündə dünyadan köçdülər - İNANILMAZ SEVGİ HEKAYƏSİ

O, sevdiyi qadının yanında uzanmışdı.

Ölkə.Az xəbər verir ki, 95 yaşlı Aleksandr və 96 yaşlı Janet 75 il birlikdə ömür sürərək əsl sevginin nə olduğunu isbat etdilər.

Onlar eyni gündə bir-birilərinin qucağında dünyadan köçüblər. İnanmaq çətin olsa da, bu belədir. Onlar 8 yaşda tanış olublar və aralarında əvvəlcə dostluq, sonra isə güclü sevgi hissi alovlanıb. Toydan sonra Aleksandt ABŞ-da hərbi-dəniz qüvvələrində xidmətə yollanıb. Qayıtdıqdan sonra o, reklam şirkətində işləməyə başlayıb. İllər ərzində sevgililər San-Diyeqo, Kaliforniyada yaşayıblar. Janet agentliklərdə stilist kimi fəaliyyət göstərib.

Qocalıq dövründə Aleksandrın yeni hobbisi yaranıb - qolf. Hər gün keçirilən məşqlər öz bəhrəsini verməyə davam edib. Lakin ehtiyatsızlığa görə yaşlı kişi yıxılıb və budlarını sındırıb. Bundan təəssüflənən qadın getdikcə zəifləməyə doğru gedib və onlar hər ikisi yatağa məhkum olunublar.

Onların ən böyük arzusu bu həyatdan birlikdə köçmək idi. Yaşlı sevgililərin yaxınları yüksək qayğı göstəriblər.

Aleksandr birinci vəfat edib. O, sevdiyi qadının yanında uzanmışdı. Məlum olub ki, Aleksandr və Janet evləndikləri gün dünyalarını dəyişiblər. Bu, təqvimdəki 29 iyun tarixi idi.

Janetin son sözləri isə bunlar olub:

"Bax, hər şey sən istədiyin kimidir. Sən mənim əllərimdə öldün və mən səni sevirəm. Gözlə məni, tezliklə gələcəyəm".

Bu həyat hekayəsi bu gün üçün olduqca aktualdır. Müqəddəs ailə ocağını bir anda söndürən insanların çox olduğu zamanda inanılmaz sevginin var olduğunu göstərənlərin olması hələ hər şeyin bitmədiyini sübut edir.

Rəşid Mustafazadə

Ölkə.Az