Amerikalı nazir: "Rusiya milli təhlükəsizliyimiz üçün ən böyük təhdiddir"

ABŞ-ın Hərbi-hava qüvvələri naziri Debora Ceyms qlobal təhlükəsizlik məsələlərindən danışıb.

Ölkə.Az xəbər verir ki, Debora Ceyms Rusiyanı ABŞ-ın, habelə Qərb dünyasının təhlükəsizliyini təhdid edən əsas amil olduğunu vurğulayıb.

"Mən Rusiya əsas təhlükə hesab edirəm. Rusiyanın gücünün hansı səviyyədə olmasından asılı olmayaraq o, milli təhlükəsizsliyimiz üçün əsas təhdiddir", deyə amerikalı nazir bildirib.

Onun fikrincə, ABŞ Avropada öz iştirakını genişləndirməlidir. O qeyd edib ki, hazırda ABŞ Rusiyanın narahatlıq doğuran addımlarına cavab olaraq Avropada öz iştirakıı gücləndirir.

Ceyms NATO-nun 28 üzvündən yalnız 4-nün alyansın müdafiə sahəsi üzrə ÜDM-nin 2%-i həcmində xərclərlə bağlı tələbini həyata keçirməsinə görə təəssüf hissi keçirdiyini əlavə edib.

Ölkə.Az