Yayda uşaqlara SPF vurmaq olarmı? - AÇIQLAMA

Ölkə.Az xəbər verir ki, bu sözləri pediatr Aytən İsmayılzadə deyib. O bildirib ki, yayda mümkün qədər kimyəvi qatqısız olan vasitələrdən istifadə etmək lazımdır:

“Ümumiyyətlə, çalışmaq lazımdır ki, heç nədən istifadə etməyək. Çünki, günəş təbiətin böyük bir hissəsidir. Yəni biz günəşsiz təbiət arzu edə bilmərik . Sadəcə günəşin şüalarından ehtiyat edə bilərik. Körpə uşaqlara ümumiyyətlə SPF lazım deyil. Məsələn, SPF 20, 30, 50 dərəcələr get-gedə artır və bu o deməkdir ki, tərkibindəki maddələrin miqdarı da artır. Bədənimiz günəş şüasını qəbul etməlidir. SPF-in bizi ləkələrdən, dərimizi qocaltmasından qoruması  və s.ilə bağlı deyilənlər əslində, düzgün deyil. Bu, daha çox marketinqə xidmət edən məlumatlardır ki, həmin vasitələr satılsın. Düzdür, biz uzun müddət təsirinə məruz qalsaq, günəş dərini qocaldır. Günəş həmçinin albinos insanlara -dərisində melanin piqmenti olmayan insanlara da mənfi təsir göstərə bilər. Çünki şüaların tərkibində dərini yandıra bilən şüalar var. Əgər dəri probleminiz varsa və ya şəxs albinosdursa, kölgələnərək, uzunqol geyinərək, daha çox günəş batan vaxtlarda və ya qızmar olmtayan saatlarda çölə çxımalıdır. Əgər günün qızmar saatlarında çölə çıxmaq mütləqdirsə, uşaqların başında daim papaq olmalıdır ki, onları günəşdən qorusun.
Amma digər hallarda günəşə çıxarkən özünüzə və uşağa SPF çəkmək və ya SPF tərkibli tonal kremlərdən istifadə etmək lazım deyil”.

Billurə Yunus