"Azərbaycanın orta təhsil sistemi tam yarasızdır"

"ÇAĞ Öyrətim İşlətmələri" MMC-yə tabe olan liseylərin adının dəyişdirilərək yenidən açılması məsələsinə Müsavat Partiyasının Divan üzvü, TQDK-nın ilk sədri Vurğun Əyyub və Millət vəkili Fazil Mustafa Ölkə.az-a açıqlamalarında münasibət bildiridilər.

Vurğun Əyyub: "O məktəblər hansı proqramla işləyəcək, necə sistem qurulacaq? Bunlar barədə dəqiq məlumat olmadığı üçün şərh etmək çətindir. Liseyin adını "ÇAĞ Öyrətim" və yaxud başqa ad qoymaqla nəsə dəyişmir, məsələnin mahiyyəti fərqli şeylərdir. Orada verilən təhsil fərqli olacaqsa, onda o liseylər də Azərbaycandakı orta məktəblərin gününə düşəcək. Azərbaycanda ümumən götürsək, istisnaları nəzərə almasaq orta məktəb bir şəbəkə kimi öz funksiyasını icra edə bilmir. Orta məktəblər bu gün Azərbaycan təhsil sistemində artıq görünür. Repititor təhsili orta məktəb təhsilini demək olar ki, əvəzləyib. Ona görə də, "ÇAĞ Öyrətim" şirkətinə tabe olan məktəblər öz təhsilinin məzmununu metedologiyası baxımından bizim indiki orta təhsil məktəblərinə bənzədiləcəksə, onlar da məhv olacaqlar".

Fazil Mustafa: "Liseylər artıq bağlandı, onların yeni formada bərpası çox problemli məsələdir.Çünki bunu hər hansı bir şəkildə dövlətin nəzarətinə götürməsi, dövlət müəssisəsi kimi çalışması, ayrı-ayrı dövlətə yaxın özəl şəxslərin idarəsi təhsilin yüksək olması mənasına gəlmir. İndiyə qədər "ÇAĞ Öyrətim"lə yanaşı belə özəl təhsil müəssələri də var idi, ancaq orda hansı prosseslərin getdiyini hamımız çox yaxşı bilirik. Yüksək səviyyəli təsil verilməsinə problemlər var. Ona görə bu liseylərin yerinə başqa liseylərin yaradılması, onun idarəetməsinin başqa istiqamətlərdə müəyyənləşdirilməsinin təhsilin keyfiyyətinə təsir edəcəyini düşünmürəm. Təhsil işi idialist bir işdir, yönətimi dəyişməklə təhsilin keyfiyyətini saxlamaq mümkün deyil. Bu baxımdan bunu effektli yol saymıram. Bir sistem dağıldı, bu sistemin dağılması da Azərbaycan təhsili üçün çox böyük bir itki idi. Bundan sonra nəyinsə yaradılması təhsilin keyfiyyətinin artacağı mənasına gəlmir".

Səxavət Məmməd

Ölkə.az