İranda terrorçu dəstə məhv edilib
İranın şərqində sərhədçilər terror dəstəsini məhv edib.
Bu haqda sərhəd qoşunlarının generalı Kasem Rezayi məlumat verib.
Hərbçinin sözlərinə görə, cinayətkarlar ölkə ərazisinə şərq sərhədindən girəndən sonra sərhədçilərlə döyüşməyə başlayıblar. Rezayi deyib ki, iki saatlıq döyüşdə təkcə dəstə məhv edilməyib, həm də üç nəfər həbs edilib və indi onlar dindirilirlər.
Hərbçi qeyd edib ki, quldurlar arasında müxtəlif ölkələrdən yaxşı hazırlıq keçmiş muzdlular da olub. İstintaq hesab edir ki, onlar İranın Zahedan, Kerman və Bam şəhərlərində terror törətməyi planlaşdırıblar.
Sərhəd qoşunlarında İrana bu dəstənin hansı ölkə ərazisindən daxil olduğu haqda məlumat verilməyib. Ölkənin şərqi Əfqanıstan və Pakistanla həmsərhəddir, həmin ərazilərdə adı çəkilən üç şəhər yerləşir. (modern.az)
Ölkə.Az
