İki ölkədə ard-arda partlayışlar

Çad və Nigeriyada baş verən intiharçı partlayışlar nəticəsində ən azı 15 adam həlak olub. 

Çoxsayda xəsarət alanların olduğu bildirilib. Hücumlar arxasında Boko Haram qrupunun olduğu güman edilir. Cihadçı təşkilat hadisəyə münasibət bildirməyib.

Çadın paytaxtı Ncamenada partlayış bazarda baş verib. Hücum ən azı 15 adamın ölümünə səbəb olub. Daha iki partlayış Nigeriyanın Mayduquri şəhərində səslənib. Ölən və yaralananlar barədə məlumat verilmir.

Son bir neçə həftə ərzində islamçıların fəallaşdığını bildirilib.

Adətən Nigeriyada fəal olan Boko Haram Çad qüvvələrinin cihadçılara qarşı əməliyyata cəlb olunmasından sonra qonşu ölkədə də hücumlar təşkil etməyə başlayıb.

Boko Haram islam xilafətinin qurulmasını qarşısına məqsəd qoyub. (Qafqazinfo)

Ölkə.Az