İlqar Mikayıloğlu "Xəzər TV"yə gedir?

Tanınmış teleaparıcı İlqar Mikayıloğlunun ANS-dən getməsi haqda mediada xəbərlər yayıldı.

Etibarlı mənbələrdən Ölkə.az-a daxil olan məlumatda isə onun "Xəzər TV"yə getdiyi bildirilir.

Hazırda İlqar Mikayıloğlunun özü ilə bu məsələni dəqiqləşdirməyə çalışırıq.

Xatırladırıq ki, bu yaxınlarda "Xəzər TV"nin xəbərlər departamentinin rəhbəri İbrahim Ünlübostan tutduğu vəzifədən azad edilmiş, onun yerinə isə İnqilab Məmmədov təyin edilmişdi.

Jurnalist dairələrində İnqilab Məmmədovun yeni komanda yığdığı haqda söz-söhbətlər gəzir. İlqar Mikayıloğlunun da məhz bu yeni komandanın üzvü olduğu iddia edilir. Başqa bir məlumata görə isə, İnqilab Məmmədov "Xəzər TV"nin keçmiş xəbər spikeri Anar Nəcəflini də kanala geri qaytarır.

Qeyd edək ki, ANS şirkətlər qrupu İlqar Mikayıloğlunun kanalla vidalaşdığı haqda xəbəri təsdiqləyib. 

Məsələ ilə bağlı "Xəzər TV"nin sözçüsü Aqşin Kamalla əlaqə saxlamaq istədik. Kanaldan bizə Aqşin Kamalın hazırda xaricdə olduğunu dedilər.

Ölkə.az