Donetskdə raket hücumu nəticəsində azərbaycanlı iş adamı ağır yaralanaraq ayağını və qolunu itirib

Ukraynanın Donetsk vilayətinin Petrovsk rayonunda azərbaycanlı iş adamı, diaspor üzvü ağır yaralanaraq bir ayağını və qolunu itirib.

Donetsk Vilayət Şurasının deputatı, vilayət üzrə azərbaycanlılar Konqresinin sədri Malik Piverdiyev açıqlamasında bildirib ki, bu 42 yaşlı Ukrayna vətəndaşı, Gürcüstanda doğulmuş Erizbər Qəribovdur.

İki gün əvvəl Azərbaycanlı iş adamının Petrovsk rayonundakı evi qumbaraatanla atəşə tutulub. Həmin vaxt evinin qarşısında olan iş adamı ağır yaralanaraq sağ ayağını və sağ qolunu itirib. O, hazırda Dnepropetrovsk şəhərinə gətirilərək oradakı klinikaların birində müalicə olunur, vəziyyəti ağırdır. /Apa/

Ölkə.Az